وأضافت مي القاضي: اتعلمت إزاي أزغرد واكل اللبانة لكني انبسطت بالدور وهناك العديد من الفنانات قدموا دور الراقصة منهم الفنانة الكبيرة نبيلة عبيد ونادية الجندي رقصت كتير في افلامها وكل الممثلات عملوا راقصات وهو مش اول دور يتقدم والراقصات كمان بيمثلوا من أيام تحية كاريوكا وسامية جمال وفى النهاية انا ممثلة مش راقصة. 

وتابعت مي القاضي: الموضوع كان صعب جدا بالنسبة لي لان أنا ماعنديش أي فكرة تماما عن الرقص انا بسمع أغاني انغام وعمرو دياب ومش بسمع أغاني شعبي او موسيقي رقص  بعد ما مضيت على عقد المسلسل تدربت على الرقص لمدة 5 أشهر وتمرنت ساعتين في الأسبوع في اول شهر مكنتش عارفة اعمل حاجة .

وأشارت: أول شهر بعد ما تعلمت كام حركة كنت بتحرك زي الانسان الآلي وفى خلال الفترة اللى تدربت فيها تعلمت 4 حركات، وكلها حاجات تعلمتها خلال التدريب وكانت رجلي وايدي بس اللى بتتحرك والموضوع مرهق وموضوع تعلم الرقص صعب وممكن اتعلم أي حاجة ممكن اسوق طائرة.

وعن ردود الفعل قالت مي القاضي: أنا متقبلة اى انتقادات والدور كان جديد عليّ وأنا اول مرة اعمل دور راقصة والناس متعودة اني انا البنت الكيوت الطيبة وحبيت اعمل الدور والناس افتكرو اني بيئة بجد وقالوا مي القاضي بقت بيئة  والدور كان جديد عليّ. 

وضم الجزء الثاني من المسلسل نخبة من نجوم الجزء الأول، وعلى رأسهم طارق لطفي، أحمد السقا، باسم سمرة، زينة، هدى الإتربي، ومريم الجندي، كما انضم إلى الأحداث مجموعة من النجوم الجدد، منهم فيفي عبده، نسرين أمين، عزة مجاهد، مي القاضي، وثراء الجبيل. المسلسل من إخراج أحمد خالد موسى.

وكانت طرأت عدد من التغييرات بالأبطال بغياب أبطال الجزء الأول وهم مي كساب وفريدة سيف النصر ونهى عابدين ومحمد التاجي مع إنضمام أبطال جدد وهم نسرين أمين وفيفي عبده وثراء جبيل.

يمكنك مشاركة الخبر علي صفحات التواصل