يا ترى هي إيه أجواء سوق الذهب في مصر، خاصة مع تسجيل المعدن الأصفر ارتفاع غير مسبوق في الأسعار خلال الأيام الأخيرة.. هل في زيادة في عمليات الشراء ولا الموضوع مقتصر على البيع والناس بتستغل الزيادة عشان تحقق أكبر مكسب ممكن، وإيه هي توقعات الأسعار في الفترة الجاية؟
في الحقيقة، أسعار الدهب في مصر بتسجل دلوقتي أعلى مستوياتها، وده بسبب تأثرها بالأسعار العاملة للمعدن النفيس واللي سجلت أعلى مستوى قياسي لها في الفترة الأخيرة.
ونقدر نقول إن سوق الصاغة دلوقتي بيشهد ركودٍ ملحوظ، خاصة مع الارتفاع المستمر في الأسعار، عشان كده في توقعات بوصول سعر الجرام عيار 21 الأكثر مبيعاً ل 4500 جنيه.
ورغم التوقعات دي، إلا أن الحال واقف، والتجار بقالهم شهرين لا بيع ولا شرا، وده معناه إن في ركود بشكل كبير، كمان الأسعار في ارتفاع يوم ورا التاني وده زود من عدم الإقبال وحالة الركود.
كمان، سوق الدهب في مصر بيشهد حالياً زيادة في المعروض وسط تراجع كبير في الطلب، وده بسبب ارتفاع الأسعار في مصر بنسبة 11% على أساس ربع سنوي في مارس الحالي، مقابل الربع الأخير من السنة اللي فاتت، وده معناه إن أسعاره زادت 30% على أساس سنوي، بعد ما سجلت اكتر من 4200 جنيه للجرام عيار 21، واللي هو الأكثر شعبية وتعاملاً في مصر، مقابل 3750 جنيها في ديسمبر اللي فات، و3200 جنيه في مارس 2024.
كمان، من أهم أسباب ارتفاع سعر الدهب محلياً في مصر، هو صعوده عالمياً، لأن ده هو العامل الرئيسي في تحريك سعر المعدن الأصفر في العالم كله، يعني مش مسألة عرض وطلب، خاصة وإن المعروض من الدهب بيفوق الطلب عليه بكثير.
ولكن أصبح المعدن الأصفر دلوقتي مطلب أساسي للبنوك المركزية في العالم كأداة تحوط مضمونة، وفي توقعات بأنه سعر العالمي يتجاوز 3100 دولار للأونصة خلال النصف الأول من سنة 2025، عشان يرتفع سعره المحلي في مصر لحوالي 4300 للجرام عيار 21 الأكثر شعبية في مصر، بزيادة حوالي 5% عن سعره حالياً.
برضو، انخفاض مشتريات المصريين من الدهب خلال 2025، مقابل السنة اللي فاتت 2024 اللي سجلت فيه المشتريات 50.1 طن من الدهب حسب إحصاء لمجلس الذهب العالمي، بيرجع سببه للارتفاع المتتالي في أسعاره السنة دي.
عشان كده، حركة بيع الدهب في السوق المصري ضعيفة جدا، وكمان نسبة الشراء محدودة، وده في حد ذاته بيدفع مصر لزيادة تصدير المعدن الأصفر.
أما عن الأسعار العالمية، فمتوقع ارتفاع أسعار الدهب عالمياً ل 3100 دولار للأونصة خلال الشهور الجاية، وده هيرفع سعره محلياً ما بين 250 إلى 300 جنيه، عشان يوصل الجرام عيار 21 لحوالي 4500 جنيه.
أخبار متعلقة :