الرئيس السيسي: كنا سنبني معابد لليهود لو كانوا في مصر - اخبارك الان

أكد الرئيس عبد الفتاح السيسي على احترام مصر لحرية العقيدة، وأنه كان على استعداد لبناء معابد يهودية إذا كان اليهود من مواطني الدولة المصرية.

قال الرئيس، في تصريحات صحفية من أثينا، خلال زيارته اليوم الأربعاء لليونان: ” اتكلمنا على موضوع دير سانت كاترين، واسمحوا لي وبمناسبة إن المؤتمر ده الناس هتسمعه في مصر، احنا في مصر بنأكد على كلام.. وهو احترام شديد جدًا مش للآخرين، لكن للتعدد والتنوع للنسيج الإنساني، وده مكنش طرح، كان ممارسات”.

ترميم الكنائس بعد 2013

تابع السيس: “أنا انزعجت بشدة، عندما تم تناول بشدة إن مصر ممكن تقوم بأي إجراء سلبي، مش عشان مكانة الدير، ده يتعارض مع ثوابت السياسة المصرية.. في الفترة الصعبة بعد 2013 قمنا بإعادة بناء الكنائس اللي حرقها المتطرفين”.

واستطرد قائلًا: “لو عندي مواطنين يهود هعمل لهم معابد، الكلام اللي بيتردد مش هيحصل، وأي كلام تاني محدش يصدقه”.

رد حاسم على الشائعات

واستكمل: “لو أي حاجة مرتبطة بالدير مستعدين بكل المودة ممكن نعملها؛ لأن ده أمر يحمل بين طياته وفات قديسة منذ 1500 سنة في مصر.. وبتكلم مع كل الناس اللي بتيجي تزور مصر روحوا الدير لقديسة كانت مؤمنة في وقت مفيهوش إيمان.. الكلام اللي على مواقع التواصل لا يمكن يكون موجود”.

وأضاف الرئيس: “اليونان قامت بدور كبير جدًا على الأقل في المحفل الأوروبي عشان تشرح ما يحدث في مصر بالفترة ما بعد 2013، ودي كانت فترة صعبة، وده أمر مهم، وبيأكد العلاقات بين البلدين”.

نسخ الرابط تم نسخ الرابط

إتبعنا