وقال عمرو أديب في تصريحات عبر قناة «إم بي سي مصر»: «يطيب لي أن أتوجه بالتهنئة للنادي الأهلي على الفوز بالدوري هذا الموسم.. بعض الناس هيقولولي بدري أوي الكلام ده، ولكن الأهلي خد الدوري».

وأضاف: «الغريب إنك تشعر إن هذه الحياة وأن هذا الكون بيتحرك دائمًا من أجل إن الأهلي ياخد الدوري، وتحدث أشياء غريبة جدًا إنه ياخد الدوري».

وتابع: «امبارح بيراميدز اللي مجنن الدنيا كلها يجي يتغلب امبارح أمام فاركو بنتيجة (3-2)، وكله عاوز الأهلي يأخد الدوري».

وواصل: «إحنا بنصحي كل يوم الصبح ليه؟، علشان نروج الشغل لأ، ولكن علشان الأهلي يأخد الدوري، وبنعمل طرق وكباري ليه علشان الأهلي ياخد الدوري».

وأتم: «حتى فاركو بيلعب علشان الأهلي يكسب الدوري.. ده الطبيعي إن النادي الأغنى مالًا والأكثر جمهورا والأكثر سطوة والناس بتعمل حسابه ومبيحبوش الجمهور يضايقه».

عمرو أديب: كل حاجة بتحصل في الحياة عشان الأهلي يكسب الدوري.. اكتر نادي معاه فلوس وجمهوره كبير ومابيحبوش يضايقوه
برنامج #الحكاية يعرض الآن على #MBCMASR من الجمعة للاثنين الساعة 10مساءً بتوقيت القاهرة مجاناً على شاهد
https://t.co/RTnAOFF7aE pic.twitter.com/oi3GDOs5DD

— MBC مصر (@mbcmasr) May 5, 2025

يمكنك مشاركة الخبر علي صفحات التواصل